प्रतिवद्धता पत्र

प्रतिवद्धता पत्र

आदरणीय सम्प्रभुसत्ता सम्पन्न नागरिकहरू !

नेपालको संवैधानिक व्यवस्था अनुसार यहि मंसिर ४ गते हुन गइरहेको प्रतिनिधि सभा तथा प्रदेश सभाको निर्वाचनमा कास्की क्षेत्र नं. २ (२) को प्रदेश सभा सदस्यको स्वतन्त्र उम्मेदवारको रुपमा 'लालटिन' चुनाव चिन्ह लिएर पोखेली नागरिकहरूका बिच आफूलाई उभ्याउन पाउँदा निकै नै भाग्यमानी सम्झेको छु । आज सम्मका विभिन्न पार्टीका नेताहरूले देशको चौतर्फी विकासको लागि जुन सकारात्मक काम गरे, त्यो नेपाल र नेपालीको विकास परिवर्तन र प्रगतिको लागिनै गरे तर व्यवस्थामा परिवर्तन गरे पनि जनताको अवस्थामा परिवर्तन ल्याउन उल्लेखनीय काम गर्न नसकेको तथ्य पनि हामी सबैको सामु छर्लङ्ग छ ।

जन्मनासाथ बालबलिकालाई अठसठ्ठी हजार ऋण बोकाउनु देशको लागि एउटा दुर्भाग्य हो भने पार्टीहरू बिचको अन्तरकलह र लुच्छाचुडीले अल्पमतीय, बहुपार्टी व्यवस्था (First Pass The Pole System & Multi-Party System) लाई समेत असफल पारी यही व्यवस्थालाई बहुदलीय बहुमतिय व्यवस्था भनेर भ्रममा पारेका छन् र संघियतालाईनै धरापमा पारेका छन् । यीनै कारणहरुले गर्दा जनताको जनजिविकाको वास्तविक अवस्था बदल्न सशक्त युवा र महिला नेतृत्वको आवश्यकता महसुस गरी साथै सबै "श्रमिक" हरूको प्रतिनिधित्व गरी चुनावी मैदानमा होमिएको छु ।

चुनाव जितेपछि नागरिकको 'गुनासो' नसुन्ने 'नमस्कार' फिर्ता पनि नगर्ने र फेरी अर्को चुनावमा खुट्टा ढोग्न आईपुग्ने पार्टीका पुराना तथा कार्यदक्षताको कमी भएका नेताहरूबाट देश पटक-पटक ठगिएकोले हामी देशभक्त स्वतन्त्र नागरिकहरू एकजुट भई यसपटक स्वतन्त्र उमेदवारहरूलाई जिताउनु हामी सबैको कर्तव्य हो ।

घरेलु हिंसा तथा बाल दुराचार मुक्त, भष्टचार रहित आधुनिक सांस्कृतिक नेपाल (Modern Cultural Nepal) निर्माण गर्ने मुख्य उद्देश्य लिएर सांसद बनेपछि नीति निर्माणको तहमा र विकास कार्यमा निम्न क्षेत्रहरूमा मेरो योगदान रहने कुरा जानकारी गराउँदछु । यस प्रतिवद्धता पत्र मार्फत तपाई मतदाता सामु निम्न क्षेत्रमा आफ्नो योगदान रहने कुरा व्यक्त गर्न चाहन्छु ।

१. सामाजिक सांस्कृतिक तथा शिक्षा क्षेत्रमा :

• ज्येष्ठ नागरिकलाई योग, ध्यान सहितको मनोरञ्जन पार्क वडा-वडामा बनाईने
• वर्गीय आधारमा गरिबीको रेखामुनि रहेका सबै जात, धर्म, लिङ्गका नागरिकहरूको शिक्षा, स्वास्थ्य र रोजगार लगायत सम्पूर्ण मौलिक अधिकारहरूको व्यवहारिक रुपमा सुनिश्चितता गराइने
• सबै सांस्कृतिक सम्पदाहरूको उचित संरक्षण गरी प्राकृतिक स्रोत र साधनको समेत समुचित प्रयोग गरी राष्ट्र निर्माण प्रक्रियाको सुरुवात गरिने
• आधुनिक प्राविधिक विद्यालय र क्याम्पस (Modern Technical School & College) हरूको स्थापना गरी स्वरोजगारलाई प्रथामिकता दिने,
• विपन्न तथा सिमान्तकृत वर्गका नागरिकहरूको छोराछोरीहरूलाई सबै तहको शिक्षा निःशुल्क गराइने

२. स्वास्थ्य, सुरक्षा र रोजगार क्षेत्रमा :

• 'स्वास्थ्य' सेवालाई सबैको पहुँचमा पुऱ्याउने नीति निर्माण गरिने घरघरमा स्वास्थ्यकर्मी पठाएर प्राथमिक उपचार निःशुल्क गरिने
• घरघरमा स्वास्थ्यकर्मी पठाएर प्राथमिक उपचार निःशुल्क गरिने
• युवा पलायन र बौद्धिक पलायनलाई रोक्न विशेष पहल गरिने
• स्वास्थ्य र सुरक्षा सेवालाई बढी प्रभावकारी र पारदर्शी बनाउन नीति निर्माण गरिने
• सबै सरकारी अस्पतालहरूको स्तरोन्नती गरिने
• देशमा कृषि तथा अन्य उद्योगहरू स्थापना गरेर रोजगार प्रर्वद्धन गरिने सुरक्षित प्रदेशका लागि अदालती प्रहरी परिचालनको व्यवस्था गर्न पहल गरिने
• सुरक्षित प्रदेशका लागि अदालती प्रहरी परिचालनको व्यवस्था गर्न पहल गरिने
• घरेलु हिंसा अन्त्यको शुरुवात कास्की २ (२) का वडाहरूबाट हुने
• बालबालिकाको स्वास्थ्य प्रति सचेत बन्दै शिक्षण संस्थामा 'जंक फड' निषेध गर्न पहल गरिने

३. आर्थिक क्षेत्रमा :

• बाझो जमिनलाई प्रयोग गर्न आत्मनिर्भर अर्थतन्त्र (Self- Reliant Economy) निर्माण गर्न नीति बनाइने
• गरिबी निवारणको लागि पर्यटन, कृषि र सञ्चार क्षेत्रको समुचित परिचालन गर्ने नीति बनाइने
• जडिबुटी प्रशोधन गर्ने उद्योगहरुको स्थापना गरिने घरेलु उद्योगहरुको विकास गर्ने नीति बनाइने
• घरेलु उद्योगहरुको विकास गर्ने नीति बनाइने
• बैकिङ्ग र सहकारी क्षेत्रलाई जनमुखी बनाउने व्याजदर न्यूनिकरण गर्ने नीति बनाइने

४ राजनीतिक क्षेत्रमा :

• कार्यकारिणी पद प्रत्यक्ष निर्वाचन प्रणाली' द्वारा छानिनु पर्छ भन्ने नीति निर्माण गर्न संसदमा जोड दिइने
• प्रादेशिक मन्त्रीहरूको संख्या धेरै हुँदा नागरिकहरूको 'कर' को दुरुप्रयोग हुने हुँदा मन्त्रीहरूको संख्या कटौति गर्ने नीति निर्माण गर्न जोड दिइने भ्रष्टाचारलाई जरैबाट अन्त्य गर्न NO VOTE, RIGHT TO REJECT, RIGHT TO RECALL जस्ता प्रणलीलाई स्थापना गरी संघीयतालाई मजबुत बनाउन नीति निर्माणको तहमा विशेष जोड दिइने
• भ्रष्टाचारलाई जरैबाट अन्त्य गर्न NO VOTE, RIGHT TO REJECT, RIGHT TO RECALL जस्ता प्रणलीलाई स्थापना गरी संघीयतालाई मजबुत बनाउन नीति निर्माणको तहमा विशेष जोड दिइने

५. पर्यावरण र आध्यत्मिक क्षेत्रमा :

• प्रदुषित वातावरण हटाउने नीति तयार गर्ने
• पर्यावरण प्रहरी (Environmental Police) को व्यवस्था गरिने
• जल, जमिन र जंगलको संरक्षण गरी जनशक्ति प्रयोग गर्ने
• सबै धर्म र संस्कृतिको संरक्षण गरी योग शिक्षामा जोड दिने
• सार्वजनिक सम्पत्तिहरूको उचित संरक्षण गर्ने

६. भौतिक तथा संचारको क्षेत्रमा :

• पूर्वाधारको सबै क्षेत्रमा विशेष नीतिहरू निर्माण गर्ने
• संचार क्षेत्रको आधुनिकीकरण गर्दै पत्रकारहरूको सुरक्षा सुनिश्चित गर्ने
• सार्वजनिक सवारीहरूको स्तरोन्नती गरिने र सार्वजनिक सवारी चढ्नको लागि सबै नागरिकहरूलाई प्रोत्साहन गर्न नीति बनाइने
• हरेक वडाहरूमा साइकल लेन र फुट ट्रयाक अनिवार्य बनाउन नीति बनाइने
• खेलकुद पर्यटनको दिगो विकास र खेलाडीहरुको स्तरोन्नतिका लागि नीति बनाइने

७. क्षेत्रगत विकास :

• कास्की क्षेत्र नं. २ (२) अन्तर्गतका वडाहरू ४, ८, ९, ११, १६ र २० मा साइकल लिङ्कलेन तथा सार्वजनिक बस सुविधाको सुनिश्चित गरिने
• वडा नं. २० मा 'कृषि पर्यटन' को विकास गरी कृषि उद्योगको विकास गरिने वडा नं. १६ मा जोगिमणी देखि अर्मलाकोटसम्म पर्यटन मार्ग निर्माण गरिने
• वडा नं. १६ मा जोगिमणी देखि अर्मलाकोटसम्म पर्यटन मार्ग निर्माण गरिने
• वडा नं. ११ मा साबुन उद्योग, कृषि उद्योगहरू स्थापना गरी रोजगारको प्रवर्द्धन गरिने
• वडा नं. ९ मा फोहोर व्यवस्थापन, पार्किङ्ग व्यवस्थापन तथा बजारको आधुनिकीकरण गरिने
• वडा नं. ८ मा पोखरा सभागृहलाई आधुनिकीकरण गरिने
• वडा नं. ९ मा रहेको बसपार्कलाई आधुनिकीकरण र व्यवस्थित बनाइने वडा नं. ४ मा फिर्के पुलको संरचनालाई सुदृढ गर्दै वातावरण संरक्षण गरिने
• वडा नं. ४ मा फिर्के पुलको संरचनालाई सुदृढ गर्दै वातावरण संरक्षण गरिने

यी माथिका प्रतिबद्धताहरू पुरा गर्न मात्र तपाई भोट प्रदान गर्नुहोस्, यी कार्यहरू पूरा गर्ने जिम्मा हामी 'स्वतन्त्र उम्मेदवार' को नै हुनेछ । तसर्थ, पोख्रेली सशक्त युवा महिला उद्यमी श्रमिक जि.सी. लाई 'लालटिन' चिन्हमा मतदान गरी अत्याधिक बहुमतले विजयी गराउन सम्पूर्ण नागरिकहरूमा हार्दिक अनुरोध गर्दछु ।

अन्धकारबाट उज्यालोको यात्रा, जल, जमिन, जंगल र जननीको संरक्षणको लागि जनशक्ति, राष्ट्रको समृद्धिको लागि स्वतन्त्र महिला शक्ति ।